انتى يا انا التانى

موضوع: انتى يا انا التانى 6/10/2010, 10:52 am

.
..... للشاعر/علاء الحكيم
......
...........
انتي يا انا التاني

هوانتي لسه فكراني

ياسكنه كل وجداني

وفصمتي برضه عشقاني

دموع عيني بتندهلك

وتنزل سيل علي جهلك

وتملي بحور وتستهلك

ونن العين يكون سهلك

وايدي لسه حساكي

ورفضه تحس الاكي

ورسمت صوره فهواكي

وجوه الشعر رسماكي

وعقلي يدور ف كراسي

ويكتب والكلام راسي
يقولي اتني نبراسي

وبيكي عمره مايقاسي

ودمي يقولي جويا

هواها لونه ويايا

وهيه ارضي وسمايا

ساكنه وريدي وحشايا

وقلبي بنسي دقاته

ويعشق فيكي لمماته

وراسمك الامل ذاته

ودمعه انتي حكاياته

وروحي فيكي هيمانه

ولحضنك انتي عطشانه

وكرهه الزاد وعدمانه

وشيله الحمل باامانه

تعالي ياانا التاني

ياهمسة شوق فوجداني

يانظرة حب عايزاني

بحبك انتي سمعاني

بحبك كلمه ف لساني

بحبك نغمه ف وداني

بحبك رعشه ملكاني

تعالي يا انا التاني

وشيلي كل احزاني

وصبي النور ف وجداني

دحبي ليكي...وعلشاني

ماتيجي ياانا التاني

ياسكنه الروح وملكاني

وسكنه العين وشيفاني

جريح القلب وبعاني

تعالي طببي جروحي

تعالي واسعدي روحي

تعالي سكتي نوحي

تعالي وللحبيب بوحي

تعالي ياانا التاني

تعالي العمر مساني

كسرني الدهر ورماني

تعالي ولمي ف كياني

بقلم علاءالحكيم

» يابنتى المصونه انتى نور عيونى